ရင်သပ်ရှုမောဖွယ် မြင်ကွင်း

ကမ္ဘာမြေတစ်ခွင် ပြဲပြဲစင်အောင် တစ်နေကုန်ပူပြင်းတောက်လောင်ထားသော ရှင်နေမင်းကြီးလည်း တစ်နေ့တာ အလေလိုက်၍ မောပန်းသဖြင့် အိပ်စက်အနားယူရန် အနောက်ဘက် ကောင်းကင်ဆီသို့ တဖြည်းဖြည်း ရွေ့လျားပျောက်ကွယ်စ ပြုနေပြီ။ ကောင်းကင်တစ်ခွင်လုံး ဆန်းကစ်အချိုရည် ဖိတ်ကျထားသကဲ့သို့ လိမ္မော်ရောင်သန်းလျှက်ရှိပြီး ပတ်ဝန်းကျင်လေထုမှာ အနွေးဓာတ်မပျယ်သေးသဖြင့် လေလည်သောအခါစအိုမှ ထွက်လာသောလေကဲ့သို့ ခပ်နွေးနွေး ညှီစို့စို့ရှိနေသည် ။ နေ့လည်နေ့ခင်းတွင် အပြင်ဘက်လောကသည် ဆိတ်ငြိမ်လျှက်ရှိသော်လည်း ညနေခင်းအချိန်တွင်မူ ကျောင်းမှပြန်လာသော ကျောင်းသူကျောင်းသားများ၊ ရုံးဆင်းလာသော ရုံးဝန်ထမ်းများနှင့် အိမ်အနီး ပုစွန်တောင်ဈေးမှ ဆိုင်သိမ်းနေသော ဈေးရောင်းဈေးသည်များ၏ ဆူညံပွက်လောရိုက်သံများကြောင့် ရန်ကုန်မြို့သည် အရေးပေါ်ကယ်တင်ထားသော သေခါနီးလူနာကဲ့သို့ ရုတ်ချည်းတဖန် ပြန်လည်၍ အသက်ဝင်နိုးထလျှက်ရှိသည်။ နဂါးပုံ၊ ဒိုင်နိုစောပုံ၊ ကိုယ်တုံးလုံးမိန်းမပုံ စသဖြင့် အမြင်အမျိုးမျိုးပေါ်မူတည်ကာ အသွင်အမျိုးမျိုးဆောင်နေသော မိုးသားတိမ်စိုင်များသည် ကောင်းကင်တွင် ဟိုမှဒီသို့ လေနှင်ရာ မျောလွင့်နေကြသည်။ အိမ်ရှေ့ပလက်ဖောင်းပေါ်တွင် ခွေးဝဲစားနှစ်ကောင် မိတ်လိုက်နေသည့် မြင်ကွင်းကလည်း တစ်မျိုး ကြည်နူးဖို့ ကောင်းသည်။ လမ်းမရှိ လူကူးမျဉ်းကြားအနီးတွင် ယဉ်ထိန်းရဲနှင့် ပြည်သူအချို့ (ခွေးရူးလိုက်တမ်း..အဲ..ဟုတ်သေးဘူး) လိုက်တမ်းပြေးတမ်း ကစားနေသည်မှာ ငယ်စဉ်ကလေးဘ၀ကို အမှတ်ရစေသည်။ အီကဲ့သို့ ရသစုံတွေ့မြင်ခံစားနိုင်သော ညနေခင်းပတ်ဝန်းကျင်ကို ငေးမောနေရသည်မှာ တီဗီဖန်သားပေါ်တွင် မော်ဒယ်သရုပ်ဆောင် မိုးဟေကို တိတ်ခွေကို ကြည့်ရသည်ထက်ပင် ဆွဲဆောင်မှုကောင်းနေပေတော့၏။

မကြာခင်အချိန်တွင် ယခင်က လေနှင်ရာလွင့်ပါနေသော မိုးတိမ်များသည် တဖြည်းဖြည်း စုဝေးမိပြီး မီးခိုးရောင် ခြုံစောင်ထူကြီးနှယ်ပြောင်းလဲကာ အာကာသတစ်ပြင်လုံးကို အမှောင်ချလွှမ်းခြုံပစ်လိုက်သည်။ လေပြင်းများတိုက်ခတ်သဖြင့် သစ်ရွက်များကြွေကြသည် ။ သစ်ကိုင်းများကျိုးကျသည် ။ စည်ပင်မှမချိုင်လှဲကြလို့ ပင်စည်မှယိုင်လဲကျသော သစ်အိုပင်များလည်းရှိ၏။ လေပြင်းဒဏ်ကြောင့် မကြာခင်က အချစ်ပလူးနေသော ခွေးထီးပေါ်သို့ လျှပ်စစ်ဓာတ်ကြိုးများပါပျက်ကျရာ ဆန့်ငင်ဆန့်ငင် ဝေဒနာခံစားနေရရှာသော ခွေးနှစ်ကောင်ကို သနားဂရုနာသက်ဖွယ်တွေ့မြင်ရသည် ။

မကြာမီ ကြက်ဥတစ်လုံးပြုတ်တာ ကျက်ချိန်လောက်အကြာတွင် မိုးစက်အမှုန်မွှားလေးများ လေပြင်းများနှင့်အတူ ရောယှက်ကျဆင်းလာသည် ။ မြောင်းသင်းနံ့လေးများ ခံစားမိ၏ ။ တဖန် အိမ်သာတစ်ခါတက်လောက် အကြာတွင် (စိုင်းစိုင်းကိုသနားလို့ထင်သည်) မိုးသည်းထန်စွာရွာချလိုက်သည် ။ မြေပြင်ပေါ်တွင် တီကောင်များ၊ ဖားပြုပ်များ ၊ မြောင်းပေါ်မှတက်လာသော ကြွက်များဖြင့် ရန်ကုန်မြို့ကြီးသည် တိရိစ္ဆာန်ရုံတစ်ခုနှယ် အကောင်ပလောင်များ စည်ကားနေတော့၏ ။ မိုးအဆက်မပြတ်ရွာသဖြင့် မြောင်းရေလျှံတက်သောအခါ လမ်းမပေါ်တွင် ရေများသည် ခြေသလုံးခန့်ထိ တက်ကာ ချောင်းကဲ့သို့ စီးဆင်းနေတော့၏။ ရေမချိုးရသေးသော သူတောင်းစားကလေးငယ်လေးများမှာ ရေကူးကန်သို့ရောက်သည့်နှယ် ရေကူးဆော့ကစားကြသည်။ မြန်မာနိုင်ငံအတွက် သီးသန့်မထုတ်လုပ်နိုင်သေးသော ရေထဲတွင်သွားနိုင်လောက်အောင် ခေတ်မမီသေးသော မော်တော်ကားများကို ကားမောင်းသူများက ကိုယ်တိုင်ဆင်းတွန်းကြရသည် ။ အချို့မိန်းမပျိုလေးများကလည်း မိုးရေအောက် မြောင်းရေထဲတွင် မင်းသမီးအမှတ်နှင့် ကဗျာဆန်ဆန်လမ်းလျှောက်နေသည် ။ ရေစိုအ၀တ်နှင့်အပျိုလေးများကို စပါယ်ယာများက လှမ်းအော် စနောက်သည်။ ရန်ကုန်မြို့ကြီး သည်လည်း မိုးသံ ၊ ကားစက်သံ ၊ ဟွန်းသံ၊ ကလေးအော်သံများကြောင့် ဈေးပွဲတော်ကြီးတစ်ခုကဲ့သို့ စည်ကားပျော်ရွှင်ဖွယ်ကောင်းလှသည်။

ပုဇွန်တောင်ဈေးမှ လတ်လတ်ဆတ်ဆတ်ရောင်းချနေသော ငါးပုစွန်းဘန်းထဲမှ ငါးများပုစွန်အရှင်များလည်း လမ်းပေါ်မှရေပေါ်တွင် လူများနှင့်အတူ လှုပ်စိလှုပ်စိ ပေါလောပေါ်နေကြသည် ။ ထိုသို့ ပလတ်စတစ်အိတ်၊ သစ်ရွက်ခြောက်၊ သစ်ကိုင်းခြောက်၊ ဖိနပ်များ၊ လူများ ၊ တိရိစ္ဆာန်များနှင့် အခြားအရာဝတ္ထုများအစုံ ပေါလောပေါ်နေသော မြောင်းရေထဲတွင် မိမိတို့၏ ဟင်းသီးဟင်းရွက် သားငါးများကို လိုက်ကောက်သူကကောက်သည်။ ကားတွန်းသူက ကားတွန်းကြသည်။ ရေကူးသူ ကလေးငယ်များက ရေကူးသည် ။ လမ်းစည်းကမ်းထိန်းသိမ်းရေးပုဂ္ဂိုလ်မှာလည်း လမ်းစည်းကမ်းမည်သို့ထိန်းသိမ်းရမည်မသိဘဲ အုတ်တိုက်လေးထဲတွင် လက်မှိုင်ချက ထိုမြင်ကွင်းကို ကျွန်တော်ကဲ့သို့ ရှုစားငေးမောနေတော့၏ ။

အချုပ်ဆိုရသော် မမေ့နိုင်သော မြင်ကွင်းအဖုံဖုံဖြင့် ခံစားမှုအစုံပေးစွမ်းနိုင်သည့် ရှုခင်းပန်းချီကားတစ်ချပ်ကို အမည်တပ်ရမည်ဆိုပါကို "ရန်ကုန်မြို့ ညနေခင်း" ဟုပင်ခေါ်ဆိုရမည်ဖြစ်သည်။ ထိုပန်းချီကားတစ်ချပ်သည်ပင် ကျွန်တော်ဘ၀၏ မမေ့နိုင်သော မြင်ကွင်းတစ်ခုပင် ဖြစ်ပေတော့သတည်း။